உலக சுகாதார அமைப்பு எப்படி நிதி பெறுகிறது? எங்கே செலவு செய்கிறது?

உலக சுகாதார அமைப்பு அதற்கான நிதியை எங்கிருந்து பெறுகிறது? உலக சுகாதார அமைப்பு செலவினங்களுக்கு எவ்வாறு முன்னுரிமை அளிக்கிறது? கோவிட்-19 தொற்றுநோயில் உலக சுகாதார அமைப்பும்..

கோவிட்-19 தொற்றுநோயைக் கையாள்வது தொடர்பாக உலக சுகாதார அமைப்பை (WHO) அமெரிக்க அதிபர் டொனால்ட் டிரம்ப் பல நாட்கள் கடுமையாக விமர்சித்த பிற்கு, அமெரிக்கா உலக சுகாதார அமைப்பிற்கு அளிக்கும் நிதியை நிறுத்தப்போவதாக புதன்கிழமை அறிவித்தார். உலக சுகாதார அமைப்பு தொற்றுநோய் பரவலைத் தவறாக நிர்வகிப்பதாக அவர் கூறினார். உலக அளவில் தொற்றால் பாதிக்கப்பட்டவர்களின் எண்ணிக்கை, உயிரிழந்த 1 லட்சம் பேர் உள்பட 2 மில்லியனை நெருங்கிக்கொண்டிருக்கிறது. அமெரிக்காவில் கொரோனா தொற்றால் 8 லட்சத்துக்கு மேற்பட்டோர் பாதிக்கப்பட்டுள்ளனர். 26 ஆயிரத்திற்கும் மேற்பட்டோர் கொரோனா தொற்றால் உரிழந்துள்ள நிலையில், அமெரிக்காவின் இந்த அறிவிப்பு வந்திருக்கிறது.

உலக சுகாதார அமைப்பு அதற்கான நிதியை எங்கிருந்து பெறுகிறது?

உலக சுகாதார அமைப்புக்கு ஏராளமான நாடுகள், புரவலர் அமைப்புகள், ஐக்கிய நாடுகள் அமைப்புகள் போன்றவை நிதியுதவி செய்கின்றன. உலக சுகாதார அமைப்பால் பதிவேற்றப்பட்ட தகவல்களின்படி, உறுப்பு நாடுகளிலிருந்து (அமெரிக்கா போன்றவை) தன்னார்வ நன்கொடைகள் 35.41% பங்களிப்பு செய்யப்படுகின்றன. மதிப்பிடப்பட்ட பங்களிப்புகள் 15.66%, புரவலர் அமைப்புகள் கணக்கில் 9.33%, ஐ.நா. அமைப்புகள் சுமார் 8.1% பங்களிக்கின்றன; மீதமுள்ளவை எண்ணற்ற ஆதாரங்களில் இருந்து வருகின்றன. உலக சுகாதார அமைப்பின் நிதியில் கிட்டத்தட்ட 15% அமெரிக்கா பங்களிக்கிறது. உறுப்பு நாடுகளின் நன்கொடைகள் கிட்டத்தட்ட 31 சதவீதம் ஆகும். இவை இரண்டும் மிகப்பெரும்பகுதி பங்களிப்புகள் ஆகும். உறுப்பு நாடுகளின் நன்கொடையில் இந்தியா 1% பங்களிக்கிறது. மேலும், அந்தந்த நாடுகள்தான் எவ்வளவு செலுத்த வெண்டும் என்பதை முடிவு செய்ய வேண்டும். செலுத்த வேண்டிய தொகையை அமைப்பு தேர்வு செய்யக்கூடாது.உலக சுகாதார அமைப்பைப் பொறுத்தவரை, அதன் மொத்த நிதியில் சுமார் 15% இழப்பது என்பது உலகம் முழுவதும் ஒரு தாக்கத்தை ஏற்படுத்தும். இருப்பினும், மற்ற நாடுகள் அமெரிக்காவைப் போல செய்யாவிட்டால், இந்த நடவடிக்கை உலக சுகாதார அமைப்பு நடவடிக்கைகளை கடுமையாக பாதிக்காது.

உலக சுகாதார அமைப்பு நிதியை என்ன செய்கிறது?

உலக சுகாதார அமைப்பு பல்வேறு திட்டங்களில் ஈடுபட்டுள்ளது. எடுத்துக்காட்டாக, 2018-19 ஆம் ஆண்டில், போலியோ ஒழிப்புக்காக 19.36% (சுமார் 1 பில்லியன்) செலவிடப்பட்டது. அத்தியாவசிய சுகாதார சேவை மற்றும் ஊட்டச்சத்து சேவைகளுக்கான அணுகலை அதிகரிப்பதற்காக 8.77%, தடுப்பூசி மூலம் தடுக்கக்கூடிய நோய்களுக்கு 7%, தொற்றுநோய் பரவலைத் தடுப்பதற்கும் கட்டுப்படுத்துவதற்கும் சுமார் 4.36% செலவிடப்பட்டது. உலக சுகாதார திட்டங்களுக்காக ஆப்பிரிக்கா நாடுகள் 1.6 பில்லியனைப் பெற்றன; தென்கிழக்கு ஆசியா (இந்தியா உட்பட) $ 375 மில்லியன் பெற்றது. உலக சுகாதார அமைப்பின் தென்கிழக்கு ஆசியா பிராந்தியத்தில் இந்தியாவும் ஒரு உறுப்பு நாடு. உலக சுகாதார அமைப்பு திட்டங்களுக்காக அமெரிக்கா 62.2 மில்லியன் பெற்றது. உலக சுகாதார அமைப்பு நிதியிலிருந்து பெரும்பாலானவை எங்கிருந்து வருகிறதோ அங்கே குறைந்தபட்சமான நிதி செல்கிறது.

உலக சுகாதார அமைப்பு செலவினங்களுக்கு எவ்வாறு முன்னுரிமை அளிக்கிறது?

உலக சுகாதார அமைப்பின் முடிவெடுக்கும் அமைப்பான உலக சுகாதார அவையின் மூலம் வருடாந்திர வேலைத்திட்டம் நிறைவேற்றப்படுகிறது. இதில் அனைத்து உறுப்பு நாடுகளின் பிரதிநிதிகளும் கலந்து கொள்கின்றனர். நிர்வாக சபை தயாரித்த ஒரு குறிப்பிட்ட சுகாதார நிகழ்ச்சி நிரலில் கவனம் செலுத்துகிறது. ஜெனீவாவில் ஆண்டுதோறும் நடைபெறும் சபையின் முக்கிய செயல்பாடுகள், உலக சுகாதார அமைப்பின் கொள்கைகளை தீர்மானித்தல், இயக்குநர் ஜெனரலை நியமித்தல், நிதிக் கொள்கைகளை மேற்பார்வை செய்தல் மற்றும் முன்மொழியப்பட்ட திட்ட வரவு செலவுத் திட்டத்தை மதிப்பாய்வு செய்தல் மற்றும் ஒப்புதல் அளித்தல் ஆகியவை இதன் பணிகள் ஆகும்.

உலக சுகாதார அமைப்பில் இந்திய எப்படி ஈடுபட்டுள்ளது?

ஜனவரி 12, 1948 அன்று இந்தியா உலக சுகாதார அமைப்பின் அரசியலமைப்பில் ஒரு கட்சியாக மாறியது. தென்கிழக்கு ஆசியாவிற்கான உலக சுகாதார அமைப்பு பிராந்தியக் குழுவின் முதல் அமர்வு அக்டோபர் 4-5, 1948 அன்று இந்தியாவின் சுகாதார அமைச்சர் அலுவலகத்தில் நடைபெற்றது. அதனை அன்றைய பிரதமர் ஜவஹர்லால் நேரு தொடங்கி வைத்தார்.

உலக சுகாதார அமைப்புடன் இந்திய நாட்டின் ஒத்துழைப்பு வியூகம் (CCS) 2019-2023 சுகாதார அமைச்சகம் மற்றும் உலக சுகாதார அமைப்பின் இந்திய நாட்டின் அலுவலகம் இணைந்து உருவாக்கியுள்ளது. உலக சுகாதார அமைப்பின் அறிக்கையின்படி: “இந்த சி.சி.எஸ் கடந்த பல ஆண்டுகளாக உலக சுகாதார அமைப்பு ஆதரித்து வரும் பணிகளை உருவாக்குவது மட்டுமல்லாமல், சிக்கலான சவால்களை எதிர்கொள்ளவும் விரிவுபடுத்துகிறது. அதாவது தொற்றுநோய் அல்லாத நோய்களைத் (NCD) தடுப்பது, ஆண்டிமைக்ரோபையல் எதிர்ப்பைக் கட்டுப்படுத்துதல் (AMR), காற்று மாசுபாட்டைக் குறைத்தல் மற்றும் மனநோய்களைத் தடுப்பது மற்றும் சிகிச்சையளித்தல் – சுகாதாரம் மற்றும் குடும்ப நல அமைச்சகத்தின் ஒட்டுமொத்த வழிகாட்டுதலின் கீழ், உலக சுகாதார அமைப்பு அதன் ஒத்துழைப்பை மேலும் பரந்த அரசாங்கத் துறைகள் மற்றும் ஆரோக்கியத்திற்கு அப்பாற்பட்ட பிற பங்குதாரர்களுடன் விரிவாக்கும். மற்ற ஐக்கிய நாடுகள் சபை (ஐ.நா) முகவர் மற்றும் சர்வதேச பங்காளிகளுடன் தொடர்ந்து ஒத்துழைப்புடன் செயல்படுங்கள்.” என்று கூறுகிறது.

CCS இன் வியூக ரீதியான முன்னுரிமைகளாக, யுனிவர்சல் ஹெல்த் கவரேஜில் முன்னேற்றத்தை விரைவுபடுத்துதல், ஆரோக்கியத்தை நிர்ணயிப்பவர்களை அடையாளம் காண்பதன் மூலம் ஆரோக்கியத்தை மேம்படுத்துதல், சுகாதார அவசரநிலைகளுக்கு எதிராக மக்களை சிறப்பாகப் பாதுகாத்தல் மற்றும் சுகாதாரத்தில் இந்தியாவின் உலகளாவிய தலைமையை மேம்படுத்துதல் ஆகியவை உள்ளன. களத்தில் உலக சுகாதார அமைப்பின் நோய்த்தடுப்பு திட்டத்தில் ஒரு முக்கிய பங்காளியாக இருந்து வருகிறது. காசநோய் மற்றும் தொழுநோய் மற்றும் காலா அசார் போன்ற புறக்கணிக்கப்பட்ட நோய்கள் மற்றும் மாநிலங்கள் முழுவதும் ஊட்டச்சத்து திட்டங்கள் ஆகியவற்றில் செயல்பட்டு வருகிறது. ஒரு திட்டத்தின் வெற்றிக்கான பெருமை எப்போதும் அந்த நாட்டுடையதுதான். இதில் உலக சுகாதார அமைப்பு ஒரு உதவி செய்யும் பாத்திரத்தை வகிக்கிறது. அதனால்தான், ஒரு நாட்டின் உலக சுகாதார அமைப்பின் அலுவலகம் அரசாங்கத்தை எப்போதுமே விமர்சிப்பதில்லை, அதன் தேர்ந்தெடுக்கப்பட்ட பாதை உலக சுகாதார அமைப்பின் அறிவுறுத்துவதிலிருந்து வேறுபட்டிருந்தாலும் கூட – ஒரு சந்தர்ப்பம் கோவிட்-19-க்கு பரவலாக பரிசோதனை செய்ய இந்தியாவின் தயக்கத்தை உலக சுகாதார அமைப்பு அதன் முக்கியத்துவத்தை வலியுறுத்தியிருந்தாலும் கூட விமர்சித்ததில்லை.

கோவிட்-19 தொற்றுநோயில் உலக சுகாதார அமைப்பும் இந்தியாவும் எவ்வாறு இணைந்து செயல்பட்டன?

இந்தியாவின் உலக சுகாதார அமைப்பின் பிரதிநிதி டாக்டர் ஹென்க் பெக்கெடம் கருத்துப்படி, “கோவிட்-19க்கு எதிரான போராட்டத்தில் இந்தியா ஒரு முக்கியமான கட்டத்தில் உள்ளது. அது முழுமையாகக் கைப்பற்றப்பட வேண்டிய தருணம். கண்காணிப்பு மற்றும் தொடர்புத் தடமறிதல் உள்ளிட்ட கோவிட்-19க்கான தயார்நிலை மற்றும் பதிலளிப்பு நடவடிக்கைகள் குறித்து உலக சுகாதார அமைப்பு, சுகாதாரம் மற்றும் குடும்பநலத்துறை அமைச்சகம் மற்றும் பல்வேறு மாநில அரசாங்கங்களுடன் நெருக்கமாக பணியாற்றி வருகிறது. ஆய்வக மற்றும் ஆராய்ச்சி நெறிமுறைகள்; இடர் தொடர்புகள்; மருத்துவமனை தயார்நிலை; தொற்று தடுப்பு மற்றும் கட்டுப்பாடு மற்றும் கும்பலாக பரவுவதை கட்டுப்படுத்தும் திட்டம் குறித்த பயிற்சியை அளிக்கிறது. இந்த முன்னோடியில்லாத சவாலை சமாளிப்பதற்கான உறுதியான தீர்மானத்தில் உலக சுகாதார மைப்பு அரசாங்கத்துடன் ஒற்றுமையுடன் நிற்கிறது” என்று கூறினார்.

இருப்பினும், இந்தியா பெரும்பாலும் தனது சொந்த வீயூகத்தை உருவாக்கியுள்ளது. இந்தியா பெரிய அளவில் பரிசோதனை செய்ய தயக்கம் காட்டியது என்றாலும், விரைவில் முடக்கத்தை அறிவித்தது. இந்தியாவில், கொரோனா வைரஸ் தொற்று 341 ஆக இருந்தபோது இந்தியா மார்ச் 22 முதல் 75 மாவட்டங்களை முடக்கியது. பெரிய அளவில் பரிசோதனைக்கு இந்தியாவின் எதிர்ப்பு அமெரிக்காவின் வியூகத்தைப் போன்றதாகும். முகக் கவசங்கள் அணிவதைக் வலியுறுத்துவதைக் காட்டிலும் மற்றவர்களைப் பாதுகாப்பது அவசியம். முகக் கவசம் அணிவது கட்டாயம் இல்லை என்று உலக சுகாதார அமைப்பு கூறிய நிலையில், முகக் கவசங்களின் உலகளாவிய பயன்பாடு குறித்து இந்தியா அழைப்பு விடுத்துள்ளது.