இயக்குநர் கார்த்திக் சுப்புராஜின் பத்தாவது திரைப்படமான ‘டோரதி’ அதன் கதைக்களம், நடிகர்களின் சிறப்பான நடிப்பு மற்றும் இளையராஜாவின் இசையால் ரசிகர்களின் மனதை வென்று பிரம்மாண்ட வெற்றிப் படமாக உருவாகியுள்ளது. அடையாளம், நட்பு, ஏற்றுக்கொள்ளுதல் மற்றும் மனித உறவுகள் ஆகியவற்றை புதிய பார்வையுடனும் மனிதநேயத்துடன் அணுகும் வகையில் புதிய கோணத்தை ‘டோரதி’ திரைப்படம் கொடுத்துள்ளது.
படம் வெற்றி பெற வேண்டும் என்பதற்காக வழக்கமான கமர்ஷியல் விஷயங்களை வலிந்து திணிக்காமல் வலுவான கதையை எடுத்து சொல்லியிருப்பதே இந்தப் படத்தின் வெற்றிக்கு முக்கிய காரணம். படம் பெற்று வரும் வரவேற்பால் திரையரங்குகளில் ரசிகர்களின் வருகை அதிகரித்திருப்பதையும், நேர்மறையான வாய்மொழிப் பாராட்டுகள் பெருகி வருவதையும் காண முடிகிறது.
முன்னணி திரையரங்க உரிமையாளரான திருப்பூர் சுப்ரமணியம், படத்தின் வெற்றி குறித்து மகிழ்ச்சியுடன் பகிர்ந்து கொண்டதாவது, “நல்ல திரைப்படங்கள் மிகப்பெரும் வெற்றி பெறுவதைப் பார்ப்பது ஒரு திரையரங்க உரிமையாளராக எனக்கு மிகவும் மகிழ்ச்சியளிக்கிறது. கார்த்திக் சுப்புராஜ் தனது பத்தாவது திரைப்படத்தின் மூலம் மிகப்பெரிய சாதனையை நிகழ்த்தியுள்ளார். கோவை ரசிகர்கள் ‘டோரதி’ திரைப்படத்தை கொண்டாடி வருகின்றனர்” என்றார்.
உணர்வுப்பூர்வமான மற்றும் வழக்கத்திற்கு மாறான ஒரு கதையை நேர்மையுடன் சொல்ல வேண்டும் என்ற கார்த்திக் சுப்புராஜின் நம்பிக்கைக்கும் இந்த வெற்றி சான்றாக அமைந்துள்ளது. ‘டோரதி’ மூலம் தனது திறமையை மீண்டும் நிரூபித்துள்ளார். ரிஷிகாந்த் மற்றும் சனந்த் ஆகியோரின் கெமிஸ்ட்ரியும், மிகையில்லாத இயல்பான நடிப்பும் ரசிகர்களிடையே பாராட்டுகளைப் பெற்றுள்ளது. இசைஞானி இளையராஜாவின் ஆத்மார்த்தமான இசை படத்திற்கு உயிரூட்டியுள்ளது.
படத்தின் தொழில்நுட்பக்குழுவினரும் படத்திற்கு பெரும் பலம்.
‘டோரதி’ திரைப்படத்தை பார்த்த பார்வையாளர்கள் தாங்கள் படத்தைப் பார்த்து ரசிப்பதுடன் நிறுத்திக்கொள்ளாமல், மற்றவர்களுக்கும் பரிந்துரைக்கின்றனர். தொடர்ந்து அதிகரித்து வரும் நேர்மறையான வாய்மொழிப் பாராட்டுகள், திரையரங்குகளில் ரசிகர்களின் வருகையாக மாறியுள்ளது. குடும்பங்கள் மற்றும் பல்வேறு தரப்பு பார்வையாளர்கள் திரையரங்குகளை நோக்கி வரத் தொடங்கியுள்ளனர். படம் பல கேள்விகளையும் விவாதங்களையும் உரையாடல்களையும் தொடங்கி வைத்துள்ளது.
திரைப்படத்தின் பாக்ஸ் ஆபிஸ் வசூலே இன்றைய சூழலில் பெரும்பாலும் கவனிக்கப்படுகிறது. அதைத்தாண்டி, வலிமையான கதை, இயல்பான நடிப்பு மற்றும் உணர்வுகளுடன் ஒன்றிணையும் கதை போன்றவையும் படத்தின் வெற்றியை நிர்ணயிக்கும் என்பதை ‘டோரதி’ மீண்டும் நிரூபித்துள்ளது.
தொடர்ந்து பார்வையாளர்களின் அன்பையும் ஆதரவையும் பெற்று வரும் ‘டோரதி’, தற்போது ஒரு பிரம்மாண்ட வெற்றிப் படமாக மட்டுமல்லாமல், அர்த்தமுள்ள ஒரு சமூக உரையாடலுக்கு விழிப்புணர்வை ஏற்படுத்திய திரைப்படமாகவும் மாறியுள்ளது.