நடிகர் அஜித் தமிழ் சினிமாவின் முன்னணி நடிகர்களில் ஒருவர். இவர் பல வெற்றி படங்களில் நடித்துள்ளார். சமீபத்தில் இவரது நடிப்பில் வெளியான நேர்கொண்ட பார்வை திரைப்படம், விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது. மேலும், இவரது நடிப்பில் வெளியான விசுவாசம், வீரம் போன்ற படங்களும் மக்கள் மத்தியில் நல்ல வரவேற்பை பெற்றுள்ளது.
தற்போது இவர் வலிமை படத்தில் நடித்து வருகிறார். இந்நிலையில், 1997-ம் ஆண்டு அஜித், விக்ரம் நடிப்பில் உருவான திரைப்படம் ‘உல்லாசம்’. இப்படம் வெளியாகி 22 ஆண்டுகள் ஆகியுள்ள நிலையில், தற்போது இப்படம் ரீமேக் செய்யப்படவுள்ளது.
இதனையடுத்து உல்லாசம் படத்தை இயக்கிய, ஜேடி – ஜெரி இயக்குனர்களே இந்த ரிமேக் படத்தையும் இயக்கவுள்ளார்களாம். மேலும், இப்படத்தில் அஜித் கதாபாத்திரத்தில், விக்ரம் பிரபுவும், விக்ரம் கதாபாத்திரத்தில், துல்கர் சல்மானும் நடிக்கவுள்ளதாக தகவல்கள் வெளியாகியுள்ளது.