கொரோனா விவகாரத்தில் சீனா – அமெரிக்கா இடையே முற்றுகிறது மோதல் ?

கொரோனா வைரஸ் தொற்று, சீனா – அமெரிக்கா இடையேயான மோதலை, முற்றச் செய்துள்ளது. ‘கடந்த ஆண்டு அக்.,ல் வூஹானில் நடந்த சர்வதேச ராணுவ வீரர்களுக்கான விளையாட்டுப் போட்டியில் பங்கேற்க வந்த, அமெரிக்க ராணுவ வீரர்கள்தான், சீனாவில் கொரோனா வைரசை பரப்பினர்’ என, சீனாவின் வெளியுறவுத்துறை செய்தித் தொடர்பாளர் சாவோ லிஜியன் தெரிவித்தார். சீனாவின் இந்தக் குற்றச்சாடால் உலக அளவில் பெரும் சர்ச்சை வெடித்தது. சீனாவின் இந்தக் குற்றச்சாட்டிற்கு மறுப்புத் தெரிவித்த, அமெரிக்க அதிபர் டொனால்டு ட்ரம்ப், கொரோனா வைரசை, ‘சீன வைரஸ்’ எனக் குறிப்பிட்டார். அதன்பின், அமெரிக்காவில் பணியாற்றி வந்த, சீனப் பத்திரிகையாளர்கள், 60 பேரை அங்கிருந்து வெளியேற்றியது ட்ரம்ப் அரசு. இதற்கு பதிலடி கொடுக்கும் விதத்தில், அமெரிக்கப் பத்திரிகைகளான, ‘நியூயார்க் டைம்ஸ், வால் ஸ்ட்ரீட் ஜர்னல், வாஷிங்டன் போஸ்ட்’ ஆகிய நிறுவனங்களைச் சேர்ந்த, சீனாவில் பணியாற்றும், 13 செய்தியாளர்கள், சீனாவிலிருந்து உடனடியாக வெளியேற உத்தரவிடப்பட்டுள்ளது.

சீனாவின் இந்த நடவடிக்கைக்கு, அமெரிக்க அதிபர் டொனால்டு ட்ரம்ப் கடும் கண்டனம் தெரிவித்துள்ளார்.சீனாவிலிருந்து வெளியேற்றப்பட்ட ‘நியூயார்க் டைம்ஸ்’ நிருபர் ஏமி கின், தன் டுவிட்டர் பக்கத்தில், ‘கொரோனா வைரஸ் பாதித்த வூஹான் நகர் மக்கள் தங்களுக்கு ஏற்பட்ட நிலை குறித்து என் வாயிலாக உலகத்துடன் பேச விரும்பினர். தங்களுக்கு ஏற்பட்ட பாதிப்புக்கு சீன அரசுதான் பொறுப்பு எனக் குற்றம் சாட்டினர். பல்வேறு மோசமான நினைவுகளுடன் சீனாவிலிருந்து நான் வெளியேறுகிறேன்’ எனக் கூறியிருக்கிறார். கொரோனா வைரஸ் பாதிப்பு குறித்து, பல்வேறு தகவல்களை சீன அரசு மறைத்தது. அதை வெளியிட்ட சீனா பத்திரிகையாளர்கள் மாயமாக்கப்பட்டனர். இந்நிலையில், அமெரிக்கப் பத்திரிகையாளர்கள் உண்மையை வெளியிட்டதால்தான், சீனா இந்த அதிரடி நடவடிக்கையை எடுத்துள்ளதாக, பலரும் கருத்து தெரிவித்து வருகின்றனர்.

Related posts:

வசதியற்ற 1,00,000 மூத்த குடிமக்களுக்கு ஆதரவுகரம் ! ஃபிரண்ட் என்டர்ஸ் ஃபவுண்டேஷனின் நிதி திரட்டல் நிகழ்ச்சி !

கேரிபேக் வழக்கில் 15,000 ரூபாய் கட்டிய ரிலையன்ஸ்!

ஊரடங்கு நடவடிக்கை சிறு, குறு, நடுத்தர தொழில் நிறுவனங்கள் மீள ஓராண்டாகும் ?

நீர் நிலைகளை முறையாக பராமரிக்க வேண்டும்? மத்திய அரசுஅதிரடி !

சிங்கப்பூர் பயணத்துறை வாரியம் தனது பயணவர்த்தக செயல்பாடுகளை சென்னையில் தொடங்கியுள்ளது.!

அண்ணாநகர் டவர் கிளப் வெளியேற சென்னை உயர் நீதிமன்றம் உத்தரவு !

தாமிரபரணி தண்ணீர் 20 ஆண்டுகளில் நஞ்சாக மாறும் அபாயம் ? நீரியல் விஞ்ஞானிகள் எச்சரிக்கை !!

ஜன்தன் வங்கி கணக்கு வங்கிகளில் குவிந்த மக்கள் கூட்டம் !