மத்திய பல்கலைக்கழகம் சட்டம் 2009 கீழ் தமிழ்நாடு மத்தியப் பல்கலைக்கழகம் (CUTN) உருவாக்கப்பட்டது. தமிழ்நாட்டில் திருவாரூர் மாவட்டத்தில்அமைந்துள்ளது. மொத்தம் 28 துறைகளின் மூலம் 10 இளங்கலை படிப்புகள், 22 முதுகலை படிப்புகள், 1 பி.எட் ஒங்கிணைந்த படிப்பு, 3 முதுகலை டிப்ளமோ, 29 பாடப்பிரிவுகளில் முனைவர் படிப்புகள் வழங்கப்படுகிறது.
தமிழ்நாடு மத்தியப் பல்கலைக்கழகம்12-ம் வகுப்பை முடித்து உயர்கல்வியில் சேர மாணவர்கள் தயாராகி வருகிறார்கள். தமிழ்நாட்டில் வழங்கப்படும் படிப்புகள், சிறந்த கல்லூரிகள், கல்லூரியின் கட்டண விவரங்கள் ஆகியவற்றை அறிந்துகொள்ள ஆர்வம் காட்டுகிறார்கள். அந்த வகையில்,மாணவர்களுக்கான உயர்கல்வி வழிகாட்டியில் தெரிந்துகொள்ள வேண்டிய பல்கலைக்கழகம், தமிழ்நாடு மத்தியப் பல்கலைக்கழகம் (CUTN). திருவாரூரில் அமைந்துள்ள இப்பல்கலைக்கழகத்தில் பல்வேறு பாடப்பிரிவுகளில் இளங்கலை படிப்புகள், பி.எட் உடன் இணைந்த இளங்கலை படிப்பு, முதுகலை, முதுகலை டிப்ளமோ மற்றும் முனைவர் படிப்புகள் வழங்கப்படுகிறது. இளநிலை மற்றும் முதுநிலை க்யூட், என்செட் ஆகிய நுழைவுத் தேர்வுகளின் மூலம் சேர்க்கை நடைபெறுகிற
மத்திய பல்கலைக்கழகம் சட்டம் 2009 கீழ் தமிழ்நாடு மத்தியப் பல்கலைக்கழகம் (CUTN) உருவாக்கப்பட்டது. தமிழ்நாட்டில் திருவாரூர் மாவட்டத்தில் அமைந்துள்ளது. மொத்தம் 28 துறைகளின் மூலம் 10 இளங்கலை படிப்புகள், 22 முதுகலை படிப்புகள், 1 பி.எட் ஒங்கிணைந்த படிப்பு, 3 முதுகலை டிப்ளமோ, 29 பாடப்பிரிவுகளில் முனைவர் படிப்புகள் வழங்கப்படுகிறது.
இங்கு 4 ஆண்டு பி.எசி, பிஏ, பிபிஏ மற்றும் 4 வருட ஒங்கிணைந்த இளங்கலை பட்டப்படிப்பு வழங்கப்படுகிறது.
பி.எஸ்சி படிப்புகள் (BSc Degree Hons./Research)
- வேதியியல்
- உயிர்தொழில்நுட்பம்
- கணிதம்
- இயற்பியல்
- ஜவுளி
- தொழில்நுட்ப ஜவுளி
- தொழில் மற்றும் டிசைன்
பிஏ (BA Degree Hons./Research)
- பொருளாதாரம்
- இசை (BPA Hons./Research)
பிபிஏ – ஜவுளி தொழில் பகுபாய்வு (BBA)
வேதியியல், பயன்பாட்டு உளவியல், வணிகம், நிர்வாகம், உயிர்தொழில்நுட்பம், வணிக நிர்வாகம், நூலக அறிவியல், மக்கள் தொடர்பியல், புவியியல், சட்டம், தோட்டக்கலை, நுண்ணுரியல், கணினி அறிவியல், புள்ளியியல், பொருளாதாரம், வரலாறு, ஆங்கிலம், இந்தி, சமூகப் பணி, பண்பாட்டு தமிழ் உள்ளிட்டவற்றில் 2 ஆண்டு முதுகலை படிப்புகள் வழங்கப்படுகிறது.
கெமிக்கல் லேல் டெக்னீஷியன், பிட்னஸ் மேனேஜ்மெண்ட், டேட்டா சயின்ஸ் ஆகியவற்றில் 1 ஆண்டு முதுகலை டிப்ளமோ வழங்கப்படுகிறது.
பயன்பாட்டு கணிதம், பயன்பாட்டு உளவியல், உயிர்தொழில்நுட்பம், வேதியியல், வணிகம், கணினி அறிவியல், பொருளாதாரம், கல்வி, ஆங்கிலம், புவியியல், இந்தி, வரலாறு, சட்டம், நூலக அறிவியல், மேனேஜ்மெண்ட், மக்கள் தொடர்பியல், கணிதம், இசை, தமிழ், சுற்றுலா உள்ளிட்டவற்றில் முனைவர் பட்டப்படிப்பு (PhD) வழங்கப்படுகிறது.
இளங்கலை படிப்புகளில் BSc படிப்புகளுக்கு கல்வி கட்டணம், சேர்க்கை கட்டணம், இதர கட்டணங்களை சேர்ந்து, முதல் வரும் ரூ.16,923 வருகிறது. இதுவே BA படிப்பிற்கு ரூ.15,035 மற்றும் இசை BPA படிப்பிற்கு ரூ.18,097 வருகிறது.
4 ஆண்டு BSc.,BEd கணிதம் படிப்பிற்கு முதல் வருடம் ரூ.19,283 என நிர்ணயிக்கப்பட்டுள்ளது.
முதுகலை படிப்புகளில் நூலக அறிவியல் பாடத்திற்கு ரூ.21,134 ஒரு வருட கட்டணமாகவும், MSc படிப்புகளுக்கு ரூ.20,480 கட்டணமாகவும் நிர்ணயிக்கப்பட்டுள்ளது. MSc பயன்பாட்டு உளவியல், MA பொருளாதாரம், MCom, LLM ஆகிய படிப்புகளுக்கு ரூ.17,976 கட்டணமாக உள்ளது.
MSW படிப்பிற்கு ரூ.22,368, இதர MA படிப்புகளுக்கு ரூ.16,742, M.Tech படிப்பிற்கு ரூ.27,995 மற்றும் MBA/ TTM படிப்பிற்கு ரூ.23,276 முதல் ஆண்டு கட்டணம் ஆகும்.
முதுகலை டிப்ளமோ படிப்பிற்கு ரூ.19,242 ஆகவும், முழு நேர முனைவர் படிப்பை தொடரும் மாணவர்களுக்கு ரூ.25,240 வரையும், பகுதி நேர முனைவர் மாணவர்களுக்கு ரூ.34,327 கட்டணமும் நிரணயிக்கப்பட்டுள்ளது.
CUET UG 2026 தேர்விற்கான விண்ணப்பம் https://cuet.nta.nic.in/ என்ற இணையதளத்தில் ஜனவரி 3 முதல் தொடங்கி பெறப்படுகிறது. ஜனவரி 30 வரை விண்ணப்பிக்கலாம். மே 11 முதல் 31 வரை தேர்வு நடத்தப்பட உள்ளது.
CUET PG 2026 தேர்விற்கான விண்ணப்பம் https://exams.nta.nic.in/cuet-pg/ என்ற இணையதளத்தில் ஜனவரி 14 வரை பெறப்படுகிறது. மார்ச் மாதம் தேர்வு நடைபெறவுள்ளது.
தமிழ்நாடு மத்தியப் பல்கலைக்கழகத்தில் இளங்கலை அல்லது முதுகலை படிப்பில் சேர விரும்பும் மாணவர்கள் இத்தேர்வுகளுக்கு உரிய நேரத்தில் விண்ணப்பித்து கலந்துகொள்ளலாம். இதில் பெறும் மதிப்பெண்கள் அடிப்படையில் சேர்க்கை நடைபெறும். சேர்க்கை குறித்த விவரங்களை https://cutn.ac.in/ என்ற அதிகாரப்பூர்வ இணையதளத்தில் அறிந்துகொள்ளலாம். (All Images – CUTN)
