ரூ. 2.20 லட்சம் விலையில் மூன்று சக்கர மின்சார வாகனம் அறிமுகம் !

கைனடிக் க்ரீன் எனர்ஜி என்கிற வாகன தயாரிப்பு நிறுவனம் மூன்று சக்கரத்தில் இயங்கக்கூடிய மின்சார வாகனத்தை ரூ. 2.20 லட்சம் (எக்ஸ்-ஷோரூம் புனே) விலையில் விற்பனைக்கு அறிமுகம் செய்துள்ளது.ஒரு கி.மீ-க்கு ரூ. 0.50 பைசா மட்டுமே..!இந்தியாவுக்கான மிட் ஸ்பீடு எலெக்ட்ரிக் வாகன செக்மென்டில் சாபர் ஸ்டார் என்கிற பெயரில் மூன்று சக்கர மின்சார வாகனத்தை கைனடிக் கிரீன் எனர்ஜி என்கிற நிறுவனம் கொண்டு வந்துள்ளது.வர்த்தக வாகன பயன்பாட்டுக்கான இந்த வாகனம் அதிகப்பட்சமான 400 கிலோ எடை வரை சுமந்து செல்லும். இதனுடைய காம்பேக்ட் வடிவிலான தோற்றம் மற்றும் வலிமையான கட்டமைப்பு நகர பயன்பாட்டுக்கு ஏற்ற வகையில் இருக்கும்.

முற்றிலும் ஸ்டீல் கட்டமைப்பை பெற்றுள்ள இந்த மூன்று சக்கர மின்சார வாகனம், மத்திய அரசின் ஃபேம் 2 திட்டத்தில் சலுகைகளை பெறும் வகையில் வடிவமைக்கப்பட்டுள்ளது.இந்த வாகனத்தில் 48வி லித்தியம்-ஐயன் பேட்டரி உள்ளது. இது 150 ஏ.எச் பவரை வெளிப்படுத்தக்கூடியது. இந்த பேட்டரியை முழுமையாக சார்ஜ் செய்தால் அதிகப்பட்சமாக 130 கி.மீ வரை செல்லும். இதில் 3 ஸ்பீடு கியர்பாக்ஸ் பொருத்தப்பட்டுள்ளது.கைனடிக் எனர்ஜி நிறுவனம், சாபர் ஸ்டார் வாகனத்தில் இருக்கும் பேட்டரிக்கு 3 வருட வாரண்டியை வழங்குகிறது. சுற்றுச்சூழலுக்கு எந்தவிதத்திலும் பாதிப்பு ஏற்படுத்தாத இந்த வாகனம் பேட்டரி ஸ்வேப்பிங் தொழில்நுட்பத்தில் இயங்கும்.

எந்த வானிலையிலும் பாதிக்கப்படாத வண்ணப்பூச்சு மற்றும் டூபுலார் சேஜிஸ் உள்ளிட்ட பல்வேறு சிறப்பம்சங்கள் இந்த வாகனத்தில் உள்ளன. கைனடிக் கிரீன் எனர்ஜி நிறுவனத்தின் தலைமைச் செயல் அதிகாரியான சுலஜா ஃபிரோதா மோத்வானி, இந்த வாகனம் குறித்து பல்வேறு விஷயங்களை தெரிவித்தார்.ஒலி மாசு மற்றும் காற்று மாசுவை ஏற்படுத்தாதாக வாகனமாக சாபர் ஸ்டார் மூன்று சக்கர ஊர்தி தயாரிக்கப்பட்டுள்ளது. நகர்புறங்களில் வர்த்தக வாகன பயன்பாட்டுக்கு இது முன்னுதராணமாக அமையும். குறிப்பாக, குப்பை வண்டியாக இதை பயன்படுத்தலாம். சுற்றுச்சூழல் பாதிக்கப்படாத வகையில் வாகனங்களை பயன்படுத்த விரும்புவோருக்கு இதுவொரு சிறந்த தேர்வாக அமையும் என்று தெரிவித்தார்.

எரிபொருளில் இயங்கும் மூன்று சக்கர வாகனங்களில் ஒரு கிலோ மீட்டர் வரை செல்வதற்கு ரூ. 3 வரை செலவாகிறது. மேலும் அவை ஏற்படுத்தும் காற்று மாசு மற்றும் ஒலி மாசு ஆகியவற்றையும் கவனத்தில் கொள்ள வேண்டும்.ஆனால் சாபர் ஸ்டார் வண்டியில் செல்லும் போது ஒரு கிலோ மீட்டருக்கு ரூ. 0.50 பைசா தான் செலவாகிறது. மேலும் காற்று மாசு மற்றும் ஒலி மாசு பாதிப்புகள் கிடையாது. சுற்றுச்சூழலுக்கு கேடு ஏற்படுத்தாது.புதிய கைனடிக் சாபர் ஸ்டார் மின்சார மூன்று சக்கர வாகனம், நாட்டிலுள்ள முக்கிய நகரங்களில் முதற்கட்டமாக விற்பனைக்கு வருகிறது. இது வர்த்தக பயன்பாடு மற்றும் தனிநபர் போக்குவரத்து பயன்பாடு ஆகியவற்றை பூர்த்தி செய்யும்

Related posts:

பிரபாஸ் நடிக்கும் 'சலார்- பார்ட் 1 சீஸ்ஃபயர்' படத்தின் வெளியீட்டு தேதி அறிவிப்பு !
வாடிக்கையாளர்களை ஏமாற்ற கார் டீலர்கள் செய்யும் தந்திரம் ? அதிர வைக்கும் மோசடி...?
உங்கள் வாடகை வருமானத்தின் மீது கடன் வாங்க முடியும். !
2026-ல் மாஸான அறிவிப்பு ஒன்று வெளியாகும்: சரத்குமார் பரபரப்பு பேட்டி!
அமெரிக்காவில் ’சூப்பர் ஸ்டாரின் தர்பார்’-ஜனவரி 08 ல் பிரீமியர் ஷோ
பிரதான் மந்திரி யோஜானா திட்டத்தில் 14 கோடி மக்களுக்கு வங்கி கடன் ?
நெடுஞ்சாலைகளில் சார்ஜிங் ஸ்டேஷன் !மத்திய அரசு வழிமுறைகளை வகுத்துள்ளது !!
ஷாருக்கின் ஜவான் பட முதல் பாடல், 24 மணி நேரத்தில் 46 மில்லியன் பார்வைகளைப் பெற்று வரலாற்று சாதனை படைத்து உள்ளது!!