Sunday, April 14

திமுகவுக்கு மாற்று கட்சி யாருங்க?

உண்மையான எதிர்க்கட்சி பாஜகவா?, பாமகவா?, நாம் தமிழர் கட்சியா?… திமுகவுக்கு மாற்று கட்சி யாருங்க?

அடுத்து ஆட்சியை பிடிப்பது நாங்கள் தான்னு சொல்லிக்கிறதுக்கு எல்லாக் கட்சிகளுக்கும் உரிமை இருக்குது. இன்றைய தேதியில் திமுகவுக்கு எதிராக நிறுத்திப் பார்க்கும் அளவுக்கு எந்த கட்சி சக்தி வாய்ந்ததாக இருக்குதுங்கிறதை தகவல்களுடன் பார்க்கலாம்.

திமுகவுக்கு மாற்று நாங்கள்தான்னு அதிமுகவை பின்னுக்கு தள்ளிட்டு பாஜக சுயதம்பட்டம் அடிச்சிட்டுவர, இல்லை…இல்லை…. நாங்கள்தான் மாற்று கட்சி என்று கிளம்பியுள்ளது பாமக. யார் என்ன சொன்னாலும், எந்த காலத்திலும் இங்கு திமுகவுக்கு மாற்று நாங்கள்தான் என்று கூலாகச் சொல்லுது அதிமுக. என்னதான் அதிமுக சொன்னாலும் உண்மையான எதிர்க்கட்சியா அதிமுக செயல்படலை.இவர்களுக்கு மத்தியில், 2021 சட்டமன்ற தேர்தலில் தனித்துப் போட்டியிட்டு மூன்றாவது இடம் பிடித்த நாம் தமிழர் கட்சியின் எதிர்கால நிலைதான் என்ன? இந்த நான்கு கட்சிகளுக்கும் உள்ள பிளஸ், மைனஸ் என்னன்னு பாக்கலாம்?

10 ஆண்டுகள் ஆட்சி, அதிகாரத்தில் இல்லாத நிலையில், வாழ்வா, சாவா என்ற சூழலில் 2021 சட்டமன்ற தேர்தலை சந்தித்த திமுக, அமோக வெற்றி பெற்று ஆட்சியை பிடித்து ஓராண்டை நிறைவு செஞ்சிருக்குது. அதற்குள் தமிழகத்தில் திமுகவுக்கு மாற்று நாங்கதான். ஆளுங்கட்சியின் ஊழல், முறைகேடுகளை எதிர்க்கட்சியான அதிமுகவே தட்டிக்கேட்க தயங்குதுன்னு சொல்லி, 2026 தேர்தலில் தமிழகத்தில ஆட்சியப் பிடிப்பதற்குண்டான வேலைய ஆரம்பிச்சிருக்குது பாஜக.

அந்தக்கட்சியின் மாநிலத் தலைவர் அண்ணாமலை, கண்ணில் விளக்கெண்ணை ஊத்திக்காத குறையா ஆளும் திமுகவின் ஆட்சி, நிர்வாகத்தை ஊற்று நோக்குவதையே தமது பிரதான பணியாக கொண்டு செயல்பட்டு வர்றாரு. அதன் வெளிப்பாடாகவே, கர்ப்பிணி பெண்களுக்கு அரசு அளிக்கும் ஊட்டச்சத்து பெட்டக கொள்முதல் டெண்டரில் முறைகேடு நடந்துள்ளதாக கொளுத்திப் போட்டுள்ளார். இதுபோல இனி போக போக திமுகவுக்கு எதிரான அண்ணாமலையின் ஆட்டம் உக்கிரமாகவே இருக்கும்ன்னு எதிர்பார்க்கலாம்.

இப்படி திமுக அரசுக்கு எதிராக நாள்தோறும் விமர்சனம், போராட்டம், முறைகேடு புகார்ன்னு சொல்லிக்கிட்டு வர்றதன் மூலம் மட்டுமே தமிழகத்தில் பாஜகவை வளர்த்துவிடமுடியும் என்று அண்ணாமலை எண்ணுகிறாரா என்ற கேள்வி எழுகிறது. திமுகவுக்கு எதிரான பாஜகவின் அரசியலில் இவையெல்லாம் ஒரு உத்தியாக இருக்கலாமே தவிர, இதன் மூலம் மட்டுமே பாஜகவை தமிழகத்தில் வளர்த்துவிட முடியாது என்கின்றனர் அரசியல் விமர்சகர்கள்.தமிழகம் முழுவதும் உள்ள 234 சட்டமன்றத் தொகுதிகளில் பூத் கமிட்டி உறுப்பினர்களே பாஜகவுக்குக் கிடையாது.125 ஆண்டுகள் பழமை வாய்ந்த காங்கிரசுக்கே பூத் கமிட்டி உறுப்பினர்கள் கிடையாது.அண்ணாமலை அடிக்கடி மேடைகள்ல பேசும்போது மத்திய அரசோட 54 திட்டங்கள மக்கள் கிட்ட கொண்டு போய்ச் சேர்க்கணும்பாரு. இனிமேல் திண்ணைப் பிரச்சாரம் தான் எடுபடும்.
பாஜக வோட
ப்ளஸ்: என்னன்னா ? ஹிந்துத்துவா உணர்வுள்ள நடுத்தர வர்க்கத்தினர், முதல் தலைமுறை வாக்காளர்களில் குறிப்பிட்ட சதவீதத்தினர் மத்தியில் கட்சிக்கு உள்ள வரவேற்பு போன்ற சாதகமான அம்சங்களை பயன்படுத்தி. உட்கட்சி கட்டமைப்புகளை வலுப்படுத்துறதன் மூலமே தமிழகத்தில் திமுகவுக்கு மாற்று பாஜகவா என்பதை தீர்மானிக்க முடியும். இதற்கான விடை தெரிய 2024 எம்பி தேர்தல் வரையிலாவது பாஜக நலம்விரும்பிகள் காத்திருக்க வேண்டும்.

பாமகவோட ப்ளஸ்: அண்ட் மைனஸ்: தமிழகத்தின் மக்கள்தொகையில் மூணுல ஒரு பங்கு வன்னியர் சமூகம்தான்ன்னு அப்பப்போ பெருமை பேசிக் கொள்ளும் பாமகவால வடமாவட்டங்களில் உள்ள செல்வாக்கை பயன்படுத்தி, இன்னமும் ஒற்றை இலக்கத்தில்தான் எம்எல்ஏக்களை சட்டப்பேரவைக்கு அனுப்ப முடியுது. அதுவும் அதிமுகவுடன் கூட்டணி வைச்சுகிட்டுத் தான். 2016இல் ‘அன்புமணி ஆகிய நான்’ என்ற முழக்கத்துடன் தனியாக களம்கண்ட பாமகவால் 5 சதவீத வாக்குகளை மட்டுமே பெற முடிந்ததே தவிர, ஒரு தொகுதியில் கூட வெற்றி பெற முடியலை.

‘கார் உள்ள அளவும், இந்த பார் உள்ள அளவும் இனி திராவிட கட்சிகளுடன் கூட்டணி கிடையாதுன்னு ஒரு மாமாங்கத்துக்கு முன்பே அறிவித்திருந்த மானமுள்ள பாமக நிறுவனர் ராமதாஸ், 2011 சட்டமன்ற தேர்தலில் திமுகவுடன் கூட்டணி, 2014, 2019 இல் பாஜக தலைமையிலான தேசிய ஜனநாயக கூட்டணி என இப்படி மாறி, மாறி மாநில அரசியலில் திமுக அல்லது அதிமுகவின் முதுகிலும், தேசிய அரசியலில் பாஜகவின் முதுகிலும் சவாரி செய்து கொண்டு 2026 இல் திமுகவுக்கு மாற்று நாங்கள்தான் என்று சொல்வது வேடிக்கையாக உள்ளது என்பதே அரசியல் நோக்கர்களின் கருத்தாக உள்ளது.

பாமக ஆண்டுதோறும் வெளியிடும் நிழல் பட்ஜெட்டில் உள்ள பல நல்ல அம்சங்களை பொதுமக்கள் குறிப்பாக இளைஞர்கள் மத்தியில் தொடர்ந்து எடுத்துச் சென்று அவர்களின் கவனத்தை ஈர்க்க வேண்டும். அதோடு ஒரு சட்டமன்ற தேர்தல், ஒரு நாடாளுமன்ற தேர்தலிலாவது தொடர்ந்து தனித்தோ அல்லது தனது தலைமையில் கூட்டணி அமைத்தோ தேர்தலை சந்தித்த பிறகுதான் திமுகவுக்கு மாற்று என்பதை பற்றி பாமக எதிர்காலத்தில் யோசிக்கவே முடியும்.

நாம் தமிழர் கட்சி: கட்சி ஆரம்பித்த நாள் முதல் சட்டமன்றம், நாடாளுமன்றம், உள்ளாட்சித் தேர்தல் என எல்லா தேர்தல்களிலும் தனித்துப் போட்டி. முதல் தலைமுறை வாக்காளர்கள் மத்தியில் பரவலாக வரவேற்பு போன்ற சாதகமான அம்சங்களை கொண்டுள்ள சீமானின் நாம் தமிழர் கட்சி 2021 இல் கி்டடதட்ட 8 சதவீத வாக்குகளை பெற்று தமிழகத்தின் மூன்றாவது பெரிய கட்சியாக தன்னை காட்டிக் கொண்டது.

நாங்கள் ஆட்சிக்கு வந்தால் கல்வி. மருத்துவம் அனைவருக்கும் இலவசம், விவசாயி, மாடு மேய்ப்பவர்களும் அரசு ஊழியர்கள் ஆக்கப்படுவார்கள் என்பன போன்ற சினிமாத்தனமான சீமானின் யோசனைகளுக்கு பொதுமக்கள் மத்தியில் குறிப்பாக இளைஞர்கள் மத்தியில் நல்ல வரவேற்பு இருக்கதான் செய்கிறது. ஆனால் கண்ணாடி மீன்தொட்டியை தூக்கிபோட்டு உடைப்பது போல, பிரிவினைவாத பேச்சு, ஈழத் தமிழர்களை பற்றிய மிதமிஞ்சிய பேச்சு போன்றவை தொடர்ந்தால் சீமானால் தமிழகத்தி்ல் மாற்று சக்தியாக எந்த காலத்திலும் உருவெடுக்க முடியாது என்பதே அரசியல் ஆலோசகர்களின் அறிவுரையாக இருக்குது.

அதிமுக: கடந்த அரை நூற்றாண்டுக்கு மேலாக திமுகவுக்கு மாற்று சக்தியாக இருந்துவரும் அதிமுக, ஜெயலலிதா என்ற ஒற்றை தலைமை இல்லாத நிலையில், இபிஎஸ் -ஓபிஎஸ் இரட்டை தலைமையின் கீழ் 2021 சட்டமன்ற தேர்தலை சந்தித்தது. ஜெயலலிதா இல்லாவிட்டால் அவ்வளவுதான்… அதிமுக பல அணிகளாக சிதறி சின்னாபின்னாமாகிவிடும்ன்னெல்லாம் சொன்னவர்கள் வாயடைத்து போவதுபோல் 60 பிளஸ் இடங்களில் வெற்றிப் பெற்று பிரதான எதிர்க்கட்சியாக சட்டப்பேரவையில் இன்று அமர்ந்துள்ளது அதிமுக.

தேர்தல் அரசியலில் ஜெயலலிதாவுக்கு இணையான ஆளுமை நான் தான் என்று நிரூபித்துள்ளார் எடப்பாடி பழனிசாமி. மத்தியில் ஆட்சியில் இருக்கும் நிலையிலும், பல மாநிலங்களில் ஆட்சி புரிந்துவரும் சூழலிலும் தமிழகத்தில் அதிமுகவின் முதுகில் சவாரி செய்துதான் 2021 தேர்தலை பாஜக சந்தித்தது. அதிமுகவின் தயவில் 4 தொகுதிகளில் ஜெயித்துவிட்டு, இன்று நாங்கள்தான் திமுகவுக்கு மாற்று; எதிர்க்கட்சியாக அதிமுக சரிவர செயல்படவில்லை. திமுக ஆட்சியில் நடைபெறும் முறைகேடுகளை அதிமுக தட்டிக் கேட்கவில்லை என்று, வரம் கொடுத்தவர் தலையிலேயே கை வைப்பது போல அதிமுகவை சரிகட்டும் வேலையில் இறங்கி உள்ளது பாஜக.

பாஜகவின் மறைமுக எதிர்ப்பு அரசியல். இபிஎஸ் -ஓபிஎஸ் இரட்டை தலைமைகளுக்கு இடையே அவ்வபோது நிகழ்ந்துவரும் பனிப்போர், சசிகலாவின் பவர் பாலிட்டிக்ஸ் ஆகியவற்றை திறம்பட சமாளிப்பதுதான் அதிமுக முன்பு உள்ள சவால்கள். இந்த சவால்களை திறம்பட சமாளித்து வெற்றி பெற்றுவிட்டால், இன்றைய தமிழக அரசியல் சூழலில்2026 -லும் திமுகவுக்கு மாற்று அதிமுகதான்.

இதுகுறித்து மூத்த அரசியல் விமர்சகர்கள் ‘என்ன சொல்றாங்கன்னா
“2026 இல் ஆளும் திமுகவுக்கு யார் மாற்று என்பதை, 2024 நாடாளுமன்ற மக்களவைத் தேர்தலில் எந்தெந்த கட்சிகள் பிழைக்கின்றன; எந்தெந்த கட்சிகள் மடிகின்றன என்பதை பொறுத்துதான் சொல்ல முடியும்.

தற்போதைய  நிலவரப்படி, இருபெரும் ஜாதிகளாக பிளவுப்பட்டுள்ள அதிமுக ஒன்றிணைந்தால் எப்போதும் போல் திமுகவுக்கு மாற்று அதிமுகதான். ஆனால், அதிமுகவில் இதே நிலை தொடர்ந்தால், அக்கட்சியின் கணிசமான ஓட்டுக்கள் நாம் தமிழர் கட்சிக்கு செல்ல வாயப்புள்ளது. அப்படியொரு மாற்றம் நிகழ்ந்தால், தமிழக அரசியல் தமிழ் தேசியம் Vs ஹிந்துத்துவா என்று மாற வாய்ப்புள்ளதுன்னு சொல்றாங்க.

Related posts: